पहिले पान....

या ब्लॉग प्रकरणाला तशी मी नवीन नाहीये. इंग्लीश मधे पूर्वी दोन तीन वेळा ब्लॉग्स पोस्ट करून झालेत. पण माझ्या स्पोकन आणि रिटन इंग्लीश चा मला कितीही अभिमान असला तरी स्वत: ची अभिव्यक्ती मायभाषेत मधे जितकी सहजतेने समोर येते तितकी इतर कुठल्या भाषेत येणे तसे अवघडच. आता हेच घ्या अभिव्यक्ती ला इंग्लीश मधे काय म्हणतात ते सुद्धा आठवत नाहीये मला... मोठ्या हौसेने इंग्लीश ब्लॉग उघडला होता पण अवघ्या चार पोस्ट्स माधेच मला ब्लॉगचा आणि ब्लॉग ला माझा कंटाळा आला... इंग्लीश मधे लिहायचे म्हणून मलाही विषय सुचेनसे झाले आणि मी बळेबळेच ब्लॉग करत आहे म्हणून त्या ब्लॉगनेही मला साथ देणे कमी केले... म्हणून हा मराठी ब्लॉग चा घाट घालत आहे. खर तर इथे काय लिहिणार आहे किती लिहिणार आहे हे मलाही पुरते माहीत नाहीये अजुन.... पण नेहमीचेच रोजचेच बरे लिखाण होईल अशी अपेक्षा करते. लेट्स सी....